Žrědłowy kod
Cełkowny žrědłowy kod w git namakajośo:
- Klonowaś: $ git clone git://anongit.freedesktop.org/libreoffice/core
- Klonowaś (http), pitśku pomałše: $ git clone http://anongit.freedesktop.org/git/libreoffice/core.git
- Tar-archiwy repozitoriumow git: http://dev-www.libreoffice.org/bundles/ (jolic serwer git ma śěže abo waša wognjomurja jo pśerestriktiwna za wužywanje git)
- Wózjawjone tar-archiwy: http://download.documentfoundation.org/libreoffice/src/ Pytajśo nejnowše wersije (zwětšego dalej dołojce)
Kak móžośo LibreOffice kompilěrowaś
- Cytajśo našu dokumentaciju, kak móžośo LibreOffice kompilować (engelski)
- Cytajśo naš pśeglěd našogo kompilěrowańskego systema (engelski)
- Woglědajśo se krotke wideo wó tom, kak móžośo LibreOffice kompilěrować (engelski)
- Woglědajśo wideorozpokazanje wó tom, kak móžośo žrědłowy kod LibreOffice z Kdevelop wobźěłaś (engelski)
Kompilěrowaś a startowaś
Kompilěrujśo a startujśo:
Toś te instrukcije su na prědnem městnje myslone za wužywarje GNU/Linux. Su pitśku gropne, ale budu se w běgu casa pólěpšowaś. Instalěrujśo wšykne trěbne pakety, aby paket LibreOffice swójeje distribucije kompilěrował, aby swój system pśigótował. Nejlažčejša móžnosć, aby to cynił, jo:
za Debian a jogo deriwaty: sudo apt-get build-dep libreoffice
za Ubuntu a Debian: sudo apt-get install libgnome-vfsmm-2.6-dev
za OpenSUSE: sudo zypper si -d libreoffice
za Fedora a jogo deriwaty: sudo yum-builddep libreoffice
Ześěgniśo pótom dopołny žrědłowy kod a kompilěrujśo:
./autogen.sh
make
Startujśo program z: instdir/*/program/soffice
Abo startujśo LibreOffice w programje zmylkowego pytanja gdb:
make debugrun
Jolic maśo problemy z kompilěrowanim, njedajśo se wóttšašyś, stajśo se z nami na IRC do zwiska a/abo cytajśo wikibok "How to Build" (engelski).
Slědujśo nam