Co jo LibreOffice

Wugbajśo wěcej - lažčej a malsnjej.

LibreOffice jo mócny běrowy paket; jogo pśeglědny wužywarski pówjerch a jogo wugbałe rědy wašu kreatiwnosć wubuźuju a wašu produktiwnosć pówušuju.
LibreOffice někotare nałoženja wopśimujo, kótarež jen k nejwugbałšemu dermotnemu běrowemu paketoju wótwórjonego žrědła na wikach cynje: Writer, tekstowe pśeźěłanje, Calc, tabelowa kalkulacija, Impress, program za napóranje prezentacijow, Draw, naš program za napóranje kreslankow a diagramow, Base, naš program za datowe banki a Math naš editor za matematiske formule.

Dokumenty, kótarež derje wuglědaju.

Waše dokumenty budu profesionelnje a cysto wuglědaś, njeźiwajucy na jich zaměr: list, masterske źěło, brošura, financne rozpšawy, marketingowe prezentacije, techniske kreslanki a diagramy.

Wužywajśo wšakorake dokumenty

LibreOffice jo kompatibelny z wjele dokumentowymi formatami ako Microsoft® Word, Excel, PowerPoint a Publisher. Ale LibreOffice hyšći wěcej bitujo: Zmóžnja wam, moderny wótwórjeny standard wužywaś, OpenDocument Format (ODF).

Wobstarajśo se wjace funkcijow z rozšyrjenjami

Mimo wjele funkcijow, kótarež tak a tak sobu pśinjaso, dajo se LibreOffice pśez wugbałe funkcije rozšyriś. Wobstarajśo se funkcije a dokumentowe pśedłogi na našych pśisłušnych platformach.

Lichy ako lichosć, něnto a na pśecej

LibreOffice jo licha software wótwórjonego žrědła. Wuwiśe jo wótwórjone za nowe sobustatkujuce a nowe ideje a naša software se kuždy źeń wót wjelikego a zagórjetego zgromaźeństwa wužywarjow testujo a wužywa; teke wy móžośo sobu cyniś a jogo pśichodne wuwiśe wobwliwowaś.

Na zakłaźe wjelikego derbstwa wuwity

LibreOffice jo naslědnik paketa OpenOffice.org (powšyknje znaty ako OpenOffice), kótaryž ze swójogo boka na StarOffice bazěrujo. Wjele lět wuwiśa jo do software zajšło a jo se južo w swójich rozdźělnych wariantach wót milionow luźi wužywał. Źinsa jo LibreOffice dawno nejaktiwnjejše pókšacowanje kodoweje baze OpenOffice.org, z wózjawjenjami kužde šesć mjasecow a ze stami sobustatkujucymi. Teke LibreOffice wužywa biblioteki z projekta Document Liberation, kótaryž kontrolu slědk do rukow wopśimjeśowych awtorow kłaźo.

· Ześěgniśo LibreOffice w swójej rěcy a wuslěźćo, kak LibreOffice móžo wašu kreatiwnosć kuždy źeń znowego wubuźiś!
· Zgóńśo, kak LibreOffice w pśirownanju k Microsoft® Office 2016 wótrěznjo
· LibreOffice jo we wjelgin wjele rěcach k dispoziciji. Wuslěźćo, lěc waša k nim słuša!
· Cytajśo naše wersijowe informacije